राजविराज । मोटरसाइकलको एयर फिल्टरमा लागूऔषध लुकाएर लगिरहेका दुई युवक सप्तरीबाट पक्राउ परेका छन् ।
पक्राउ पर्नेमा खडक नगरपालिका १ सिस्वा बस्ने २५ बर्षका पारस कुमार मण्डल र २२ बर्षका रबीन साह रहेको प्रहरीले जनाएको छ ।
सारस्वरबाट धनगढीतर्फ जाँदै गरेको मण्डल र साह सबार प्रदेश १-०२-०४० प ७३६६ नम्बरको मोटरसाइकललाई बोदे बर्साइन नगरपालिका १ धनगढीस्थित भित्री सडक खण्डमा रोकेर चेकजाँच गर्ने क्रममा लागूऔषध बरामद भएको सप्तरी प्रहरीले जनाएको छ ।
मोटरसाइकलको एयर फिल्टरमा लुकाएको अवस्थामा बुप्रेनोफाइर इन्जेक्सन ४५ थान, फेनार्गन इन्जेक्सन ४४ थान, डाइजापाम इन्जेक्सन ४५ थान गरि १३४ थान लागूऔषध बरामद भएको सप्तरी प्रहरीका प्रबक्ता एवं डीएसपी जितेन्द्र कुमार बस्नेतले जानकारी दिए ।
दुबैलाई नियन्त्रणमा लिई सप्तरी जिल्ला अदालतबात ७ दिनको म्याद थप गरि अन्य अनुसन्धान गरिरहेको सप्तरी प्रहरीले जनाएको छ ।
