राजविराज । सप्तरीको तिलाठी कोइलाडी गाउँपालिका वडा नम्बर ५ स्थित बनरझुलाबाट हराइरहेकी महिलाको शव भेटिएको छ ।
स्थानीय छोटु भनिने विरेन्द्र रायकी पत्नी अनिता देवी रायको शव तिलाठी कोइलाडी गाउँपालिका वडा नम्बर ५ नौ किलोमिटर भन्ने ठाउँमा आज केही बेरअघि भेटिएको हो ।
कोशी नदी छेउमै भेटिएको शव सडेको अवस्थामा पाइएको सप्तरी प्रहरीका प्रवक्ता एवं डीएसपी डम्बरबहादुर पुरीले बताए । उनका अनुसार महिलाको हात र खुट्टा बाँधिएको देखिएको र ढुँगा प्रहार गरेर मारेको देखिएको छ ।
ती महिला गत बुधवार राति देखि हराइरहेकी थिइन् । परिवारजनका अनुसार छिमेकीको छोराको विवाहका निम्ति जन्ती गएको बेला उनलाई ५/६ जनाको समूहले घरबाटै अपहरण गरी लगेका थिए । उनलाई लगिएपछि आँगनमा रगत देखिएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
