दुई उज्वेकिस्तानी महिला : भारतीयले नै लगिरहेका थिए भारततिर

राजविराज । सप्तरीबाट पक्राउ परेकी दुई जना उज्वेकिस्तानकी महिलालाई भारतीयले नै भारततर्फ लग्दै गरेको खुलेको छ ।

उज्वेकिस्तानको फेरगनाकी सोखिस्ता अकबारोभा र हारेजीमकी फेरुजा याक्सिर्मुतोभा शनिबार राति ८ बजे बलान बिहुल गाउँपालिका ४ बाट पक्राउ परेकी हुन् ।

यी दुबै महिलालाई भारत बिहार राज्य मधुबनी जिल्ला ग्रामपञ्चायत लालमनिया डुमरवाना बस्ने २० वर्षीय नितिश कुमार बिन्दाले भारततर्फ लग्ने प्रयास गरेका थिए । नेपालबाट भारततर्फ जाँदै गरेको बिन्दाले चलाएको बिआर ०७ एवाई १८७६ नम्बरको मोटरसाइकल रोकेर चेकजाँच गरेपछि दुबै महिला उज्वेकिस्तानको रहेको तथ्य खुलेको थियो ।

पक्राउ परेकी महिलासँग पासपोर्ट समेत छैन् ।

बिन्दाले किन उज्वेकिस्तानकी महिलालाई भारत लग्न खोजेको हो ? भन्ने सन्दर्भमा खोजी भइरहेको प्रहरीले जनाएको छ ।