राजविराज । सप्तरीको खडक नगरपालिकामा मेयरका कारण कर्मचारीले दशैंमा समेत तलव पाउन नसक्ने भएका छन् । मेयरले मनोमानीका कारण नगरपालिकाका सम्पूर्ण कर्मचारी तलव पाउनबाट बंचित हुने अवस्थाकाृ सृजना भएको छ ।
यो नगरपालिकाको सभा ३१ असारमै सम्पन्न्न भई सूत्र प्रणालीमा समेत प्रविष्ट भइसकेको अवस्थामा स्थानीय सरकार संचालन ऐन २०७४ को दफा ७३ बमोजिम मेयरले खर्च अख्तियारी प्रमुख प्रशासकीय अधिकृतलाई दिनुपर्ने हो ।
तर, मेयर जयप्रकाश चौधरीले यो अख्तियारी नदिँदा कर्मचारीले दशैं जस्तो चाडमा पनि तलव पाउन नसकेका हुन् ।
गत २ असोजमा बसेको कार्यपालिका बैठकले नगरपालिकाको चालू आ.ब. २०८२/०८३ को आर्थिक कारोकार सुचारुको निम्ति प्रमुख प्रशासकीय अधिकृत र लेखापाललाई स्थानीय सरकार संचालन ऐन २०७४ बमोजिम अख्तियारी दिने निर्णय गरेको थियो ।
तर, त्यो निर्णयलाई समेत लत्याउँदै मेयर चौधरीले अख्तियारी नदिएको एक वडा अध्यक्षले नै बताएका छन् ।
तलव पाउने स्थिति नदेखिएपछि कर्मचारी, शिक्षक र स्वास्थ्यकर्मीले उपलब्ध गराइदिन नगरपालिकामा निवेदन दिएर दवाव सृजना गरेका छन् । दवाव सृजना गरेपछि मेयर चौधरी कार्यालय आउनै छाडेका छन् ।
नगरपालिकाका प्रमुख प्रशासकीय अधिकृतन बिनय कुमार सोनुले पटक–पटक आग्रह गर्दा समेत मेयरज्यूले अख्तियारी दिन नमानेको बताए । ‘कार्यपालिका बैठकको निर्णय समेतलाई नमानेपछि कर्मचारी तलवबाट बंचित भएका छन्’ उनले भने, ‘आफूले यसबारेमा मन्त्रालयलाई जानकारी गराइसकेको छु ।’
यस सम्बन्धमा मेयर चौधरीसँग बुझ्न खोज्दा उनी सम्पर्कमा आएनन् ।
