राजविराज । सप्तरी प्रहरीले कारागारबाट भागेका कैदीबन्दीलाई देखेमा या जानकारी प्राप्त भएमा सूचना दिन सबैसँग आग्रह गरेको छ ।
चाडपर्वको समयमा सप्तरीसहित अन्य जिल्लाहरुबाट समेत फरार भएका कैदी, बन्दी, थुनुवाहरु आ–आफ्नो स्थानीय गाउँ घरमा आउन सक्ने, अवाञ्छित गतिविधिहरुमा संलग्न हुन सक्ने प्रहरीले जनाएको छ ।
यस्ता व्यक्तिहरुको सम्बन्धमा कुनै पनि जानकारी प्राप्त भएमा तथा कुनै पनि किसिमको समस्या परेमाा तत्काल नजिकको प्रहरी कार्यालय वा आकस्मिक सहायताको लागि प्रहरी कन्ट्रोल सप्तरी नम्बर ९८५२८९०२७०, १०० मा सूचना दिई आवश्यक सहयोग गर्न जिल्ला प्रहरी कार्यालय, सप्तरीले जनाएको छ ।
सूचनाकर्ताको विवरण गोप्य राखिने प्रहरीले शुक्रबार बिज्ञप्ती मार्फत् जनाएको छ ।
विज्ञप्तीमा गत भदौ २५ गते कारागार कार्यालय सप्तरीबाट २०५ जना फरार भएकोमा ९९ जना कैदी, बन्दी पक्राउ परिसकेको जनाएको छ ।
