राजविराज । नेपाल प्रेस युनियन, सप्तरीद्वारा शनिबार राजविराजमा पर्वहरुको अवसर पारेर शुभकामना आदान प्रदान कार्यक्रमको आयोजना गरिएको छ ।
युनियनले विजयादशमी, दीपावली एवं छठ पर्वको अवसर पारेर शुभकामना आदानप्रदान कार्यक्रमको आयोजना गरेको हो ।
कार्यक्रमका बक्ताहरुले पर्वहरुको शुभकामना दिदैं बर्तमान अवस्थामा सही र सत्य सूचना बाहिर ल्याउनुपर्नेमा जोड् दिए ।
पत्रकारहरुले कसैको पक्ष, विपक्षमा नलागी इमान्दारीपूर्वक कलम चलाउनुपर्ने आवश्यक्ता रहेको बताउँदै उनीहरुले भ्रामक सूचनाको पछि नलाग्न आग्रह गरे ।
प्रेस युनियन, सप्तरीका अध्यक्ष बिनयकुमार लाल कर्णको अध्यक्षता एवं नेपाली कांग्रेसका जिल्ला सचिव सनत मण्डलको प्रमुख आतिथ्यमा आयोजित कार्यक्रममा युनियनका केन्द्रीय सदस्यद्वय मिथिलेश यादव र सुधा देव, मधेश प्रदेशका सचिव मनोज कुमार माझी, नेपाल पत्रकार महासंघका अध्यक्ष श्रवणकुमार देव, युनियनका सल्लाहकार ओमप्रकाश साहसहितकाले मन्तव्य व्यक्त गरेका थिए ।
सचिव रमानन्द देवद्वारा संचालित कार्यक्रममा उपाध्यक्ष नवीन गुप्ताले स्वागत मन्तव्य व्यक्त गरेका थिए
