राजविराज । खडक नगरपालिकाले बालश्रम मुक्त नगरपालिका घोषणा गर्ने भएको छ ।
यसका लागि बिहीबार अनुगमन गरिएको छ । नगरलाई बालश्रम मुक्त घोषणा गर्न अनुगमन समिति बनाइएको छ ।
उप प्रमुख रिता कुमारी चौधरीको अध्यक्षतामा बनेको समितिले बुधबार बालश्रम हुने सम्भावित ठाउँ मध्ये नगरपालिकाको वडा नम्बर १, ४ र ५ मा बिहीबार अनुगमन गरिएको हो ।
घोषणा तयारीको अन्तिम चरणमा बाल श्रम हुन सक्ने सम्भावित पाउरोटी उद्योग, पानी उद्योग, नीजि विद्यालय इँट्टा उद्योगहरुमा अनुगमन गरिएको छ ।
उप प्रमुख चौधरीको संयोजकत्वमा गरिएको अनुगमनमा प्रसासन शाखा प्रमुख रमाकान्त चौधरी, महिला बाल वालिका तथा जेष्ठ नागरिक अधिकारी अनिता कुमारी साह, सबल नेपाल का फिल्ड संयोजक अशोक कुमार साह, जिल्ला तथा नगरवाल संजालका अध्यक्ष शिव शंकर मण्डल, ईलाका प्रहरी कार्यालय कल्याणपुरका सब ईन्सपेक्टर धिरज कुमार यादव र नेपाल पत्रकार महासंघ शाखा सप्तरीका सदस्य परिष कुमार कर्ण सहभागी थिए ।
खडक नगरपालिकाका ११ वटै वडाहरु वालश्रम मुक्त घोषणा भईसकेको र अब सम्पूर्ण नगर लाई पनि वालश्रम मुक्त घोषणा गर्ने तयारी अन्तिम चरणमा रहेको बाल कल्याण अधिकारी अनिता कुमारी साह ले जानकारी दिईन ।
