राजविराज । राजविराज नगरपालिका वडा नम्बर ६ स्थित वागेश्वरी मन्दिर प्राङणम सुविधा सम्पन्न सभा हलको निर्माण हुने भएको छ ।
सभाहलको शनिबार एक कार्यक्रमकाबीच इन्जिनियर किर्तिनारायण देवले शिलान्यास गरेका छन् ।
किर्तिनारायणले नै सभाहलका लागि रु पाँच लाख ११ हजार ११५ सहयोग गरेका छन् । उनले आफ्नी स्वर्गीय धर्मपत्नीको स्मृतिमा सभाहलका लागि यो रकम प्रदान गरेको वागेश्वरी सेवा समितिका अध्यक्ष इन्जिनियर इन्द्रनारायण देवले जानकारी दिए ।
अध्यक्ष देवका अनुसार इन्जिनियर काली प्रसाद देवले आफ्नी स्वर्गीय पत्नी सावित्री देवीको स्मृतिमा रु एक लाख ५१ हजार ५५५ र अर्का इन्जिनियर निरज कुमार चौधरीले आफ्ना स्वर्गीय पिता हरिबंश चौधरीको स्मृतिमा रु ५५ हजार ५५५ सहयोग गरेका छन् ।
मन्दिर प्राङणको उत्तरतर्फ ८० फिट लम्बाई र ३० फिट चौडाईको सभाहल निर्माणका लागि रु २५ लाख बजेट अनुमान गरिएको छ । थप सहयोग रकम जुटाउने प्रयास भइरहको अध्यक्ष देवले बताए ।
यो मन्दिर प्राङणमा धर्मशाला, विवाह मण्डप यसअघि नै निर्माण भइसकेको छ ।
