राजविराज । सप्तरीमा जापानिज इन्सेफ्लाइटिसबाट दुई जनाको मृत्यु भएको छ ।
जिल्लाको तिलाठी कोइलाडी गाउँपालिका र राजगढ गाउँपालिकाका एक/एक व्यक्तिको यो रोगका कारण मृत्यु भएको हो ।
जिल्ला स्वास्थ्य कार्यालयका अनुसार तिलाठी कोइलाडी वडा नम्बर १ निवासी ७४ वर्षीय सत्यनारायण यादव र राजगढ गाउँपालिका वडा नम्बर ३ का १४ वर्षीय शिवकुमार रामको जापानिज इन्सेफ्लाइटिसका कारण मृत्यु भएको छ ।
दुबैको साउन २१ गते उपचारका क्रममा मृत्यु भएको छ । यादवको विपी कोइराला स्वास्थ्य विज्ञान प्रतिष्ठान धरानमा र रामको गोल्डेन हस्पिटल विराटनगरमा उपचारका क्रममा मृत्यु भएको छ ।
यो रोगबाट जिल्लाका अन्य तीन जना पनि पीडित भएको र उपचारपछि घर फर्किसकेको जिल्ला स्वास्थ्य कार्यलयले जनाएको छ ।
यो रोग लाग्न नदिन लामखुट्टेको टोकाईबाट बच्न स्वास्थ्यकर्मीहरुले अनुरोध गरेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
