राजविराज । सडकमा महिलाले बच्चा जन्माउन बाध्य भएको घटनामा राजविराजस्थित गजेन्द्रनारायण सिंह अस्पतालका ६ जना कर्मचारीलाई कामकाजबाट हटाइएको छ ।
मंगलबार राति प्रसुति गराउन आफ्ना श्रीमान हरेराम पासवानसँगै अस्पताल आएकी बबिताले बुधबार बिहान ४ः३० बजे सडकमै बच्चा जन्माएकी हुन् ।
उक्त घटनामा ध्यानाकर्षण भएको जनाउँदै अस्पतालले शुक्रबार एक चिकित्सकसहित ६ कर्मचारीलाई कामकाजबाट हटाएको हो ।
डा. उषा देव, स्टाफ नर्स मनीषा कुमारी साह र सजन चौधरी, कार्यालय सहयोगी रेणु ठाकुर, स्वीपर कृष्ण मेहतर र सुरक्षा गार्ड देबकान्त झालाई काजमकाजबाट हटाइएको अस्पतालका निमित्त मेडिकल सुपरिटेन्डेन्ट डा. रञ्जित झाले जानकारी दिए ।
उनका अनुसार गठन भएका विभिन्न समितिहरुको अन्तिम प्रतिवेदन प्राप्त नभई अर्को व्यवस्था नभएसम्मका लागि उनीहरुलाई कामकाजबाट हटाइएको हो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
