राजविराज । राजविराज उच्च अदालत बार एशोसिएशनको अध्यक्षमा बलराम प्रसाद सिंह निर्वाचित भएका छन् । उनी दोस्रो पटकको प्रयासमा अध्यक्ष बन्न सफल भएका हुन् ।
११८ मत प्राप्त गरी बलराम निर्वाचित हुँदा निकटतम प्रतिद्वन्द्वी नबीन कुमार सिंहले ७१ मत प्राप्त गरे । अध्यक्ष पदका अर्का उम्मेदबार देव बहादुर कटुवालले ७ मत प्राप्त गरे ।
उपाध्यक्षमा बिनोद कुमार पाण्डे १०० मत प्राप्त गरी विजयी हुँदा उनका प्रतिस्पर्धी उमा शंकर देवले ९५ मत प्राप्त गरे ।
सचिवमा पार्वती कुमारी जोशी १११ मत प्राप्त गरी विजयी हुँदा उनका निकटतम प्रतिस्पर्धी राम कुमार यादवले ८५ मत प्राप्त गरे ।
सह–सचिव पदमा अस्मिता थापा १०७ मतसहित विजयी हुँदा उनकी प्रतिस्पर्धी सुनिता कुमारी दासले ८५ मत प्राप्त गरिन् ।
कोषाध्यक्ष पदमा भने भोगी लाल यादव र उपेन्द्र यादवले समान ९४–९४ मत प्राप्त गरेका थिए । यसपछि गोला प्रथा गर्दा भोगी लाल यादव विजयी भएका छन् ।
सदस्यहरुमा दिलिप यादव ११०, सतिश कुमार दत्त १०३, दिनेश कुमार सिंह, १०१, बालकृष्ण कार्की १०१, सुरेन्द्र प्रसाद यादव १००, सन्तोष कुमार चौधरी ९९, डा. शिबनारायण यादव ९७ र रामनारायण चौधरी ९५ मत प्राप्त गरी निर्वाचित भएका छन् ।
पार्षदहरुमा अशोक कुमार झा १३७, नारायण प्रसाद साह १३०, बालकृष्ण ढृुँगाना ११९, कौशलकिशोर दत्त ११५, डा. देबनारायण यादव १०८, सुधा देव १०९, श्याम पोखरेल १०१, सत्यनारायण साह ९४ र अजय कुमार चौधरी थारु ९२ मत प्राप्त गरी निर्वाचित भएका छन् ।
कुल २१७ मतदाता रहेको बारमा १९९ जनाले मतदान गरेका थिए । मतदान गरेकामध्ये ११ वटा मत बदर भएको थियो ।
