राजविराज । सप्तरी उद्योग वाणिज्य संघको नयाँ नेतृत्वका लागि आज उम्मेदवारी दर्ता भएको छ । अध्यक्ष पदका लागि एक जनाले मात्रै उम्मेदवारी दिएका छन् ।
निबर्तमान अध्यक्ष लालु प्रसाद अग्रवालले मात्रै अध्यक्ष पदमा उम्मेदवारी दिएको निर्वाचन समितिले जनाएको छ ।
उम्मेदवारी दर्ता भएकामध्ये वाणिज्य उपाध्यक्ष र महासचिव पदमा दुई/दुई जनाले उम्मेदवारी दिँदा अन्य पदमा एक/एक जनाले मात्रै उम्मेदवारी दर्ता गराएका छन् ।
वाणिज्य उपाध्यक्षमा अमृत कुमार सञ्चेती र रामअशिष प्रसाद साहको उम्मेदवारी परेको छ ।
महासचिवमा भोगेन्द्र मिश्र र सुरेन्द्र प्रसाद साहले उम्मेदवारी दिएको निर्वाचन समिति संयोजक सतिश दत्तले इग्रीन मधेशलाई जानकारी दिए ।
सचिवमा सुृरेन्द्र बिमल, कोषाधयक्षमा प्रमोद काबरा, सह कोषाध्यक्षमा निर्मल कुमार मुन्धडाको उम्मेदवारी परेको छ ।
उम्मेदवारी परेकाको दाबी विरोध एवं उम्मेदवारी फिर्ताको समय भोलीका लागि तोकिएको छ । उम्मेदवारी फिर्ता नलिए तथा दाबी विरोध नआए एकल उम्मेदवारलाई सर्वसम्मत घोषणा गरिने संयोजक दत्तले बताए ।
सप्तरी उद्योग वाणिज्य संघको नयाँ नेतृत्वका लागि असोज १० गते निर्वाचन हुँदैछ ।
