राजविराज । सप्तरीमा भएको छुट्टाछुट्टै दुर्घटनामा तीन जनाको ज्यान गएको छ ।
खडक नगरपालिकामा दुई मोटरसाइकल एक आपसमा ठोक्किएर भएको सबारी दुर्घटनामा दुई जनाको ज्यान गएको छ । दुई जना घाइते छन् ।
खड्क नगरपालिका ११ बनौली स्थित हुलाकी सडक खण्डमा बोदेबर्साईनबाट राजबिराजतर्फ आउँदै गरेको मधेश प्रदेश ०१-००५ प ६८३२ नम्बरको मोटरसाइकल र बिपरित दिशातर्फ जादै गरेको मधेश प्रदेश २-०१-००३ प ६९३२ नम्बरको मोटरसाइकल एक आपसमा ठक्कर खाई दुर्घटना भएको प्रहरीले जनाएको छ ।
दुर्घटनामा गम्भीर घाइते भएका मधेश प्रदेश २-०१-००३ प ६९३२ नम्बरको मोटरसाइकल चालक खड्क नगरपालिका १० बेलहा बस्ने २८ बर्षका चिन्तामणि चौधरीलाई उपचारका लागि छिन्नमस्ता असपताल राजविराज ल्याउदा चिकित्सकले मृत घोषणा गरेका थिए ।
गम्भीर घाइते भएका मधेश प्रदेश ०१-००५ प ६८३२ नम्बरको माेटरसाइकल चालक सुरुङगा नगरपालिका ७ बस्ने २७ बर्षका सोबिन चौधरीको सोही अस्पतालमै उपचारका क्रममा मृत्यु भएको सप्तरी प्रहरीका प्रबक्ता एवं डीएसपी डम्बरबहादुर पुरीले जानकारी दिए ।
बिहीबार राति भएको यो दुर्घटनामा मधेश प्रदेश ०१-००५ प ६८३२ नम्बरको माेटरसाइकलमै सबार सोबिनकी २५ बर्षकि पत्नी रमिता चौधरी र सुरुङगा नगरपालिका ७ बस्ने संतोष चौधरीको छोरी ८ बर्षकी रचना चौधरी घाइते छन् ।
उनीहरूको अस्पतालमा उपचार भइरहेको प्रहरीले जनाएको छ ।
यस्तै, जिल्लाकाे तिरहुत गाउँपालिकामा हायसकाे ठक्करले एक वृद्धाको ज्यान गएको छ ।
तिरहुत गा.पा १ धनपुरी स्थित पुर्ब पश्चिम राजमार्गमा काठमाण्डौ बाट धरान तर्फ जादै गरेको बा. प्र०३-००१ ख २५८२ नं. हायसले बाटो क्रस गरिरहेको पैदल यात्री स्थानीय देवन पंजियारको श्रीमती बर्ष अं.७० की जगिया देबी पंजियारलाई ठक्कर दिदा उनको ज्यान गएकाे छ ।
ठक्करले गम्भिर घाइते भएकी उनलाई उपचारका लागि विराटनगर लग्दा चिकित्सकले इसिजी गर्दा मृत घाेषणा गरेको इलाका प्रहरी कार्यालय कंचनपुरका प्रमुख डीएसपी माधव प्रसाद काफ्लेले जानकारी दिए ।
शुक्रबार साँझ भएको याे दुर्घटनापछि हायस तथा चालक धादिङकाे बेनिरोराङ गाउँपालिका ४ बस्ने ४० बर्षका मदन श्रेष्ठलाई नियन्त्रणमा लिएको प्रहरीले जनाएको छ ।
