गंगा साह
भारदह । आर्थिक रुपले कमजोर रहेका सप्तरीको हनुमाननगर कंकालिनी नगरपालिकाका डेढ् सय दलित समुदायलाई खाद्यान्न सामग्री राहत स्वरुप बितरण गरिएको छ ।
ल्याटर डे सेन्ट च्यारेटिज को आर्थिक सहयोगमा, हेल्थ न्यूट्रिसन एजुकेशन एण्ड एग्रीकल्चर रिसर्च डेभलपमेन्ट नेपालको आयोजना र हनुमाननगर कंकालिनी नगरपालिकाको समन्वयमा उनीहरुलाई राहत स्वरुप खाद्यान्न बितरण गरिएको हो ।
नगरपालिकाको वडा नम्बर २ सकरदहीका ९३ जना र वडा नम्बर ४ गंगापुरका ५७ जनालाई राहत बितरण गरिएको हो ।
चामल २५ किलो, दाल २ किलो, खाने तेल एक लिटर, नून एक किलो, त्रिपाल २ थान, लुगा धुने र नुहाउने साबुन ४/४ थान, मन्जन, ब्रस, तौलिया र झोला बितरण गरिएको छ ।
नगरपालिकाका प्रमुख बिरेन्द्र माझीले उक्त सामग्री बितरण गरेका हुन् । उक्त अवसरमा वडा नम्बर २ का अध्यक्ष सन्तोष गोइत, वडा नम्बर ४ का अध्यक्ष मौली मण्डलसहित स्थानीय र सुरक्षाकमीएको उपस्थिति रहेको थियो ।
