राजविराज । सप्तरीको छिन्नमस्ता गाउँपालिकामा उज्यालो नेपाल पार्टीको पालिका स्तरीय कार्यालय स्थापना भएको छ ।
पार्टीका केन्द्रीय सदस्य तथा सप्तरी क्षेत्र २ का प्रत्यक्षतर्फका उम्मेदवार डा. दिपक चौधरीले सोमबार कार्यालय उद्घाटन गरेका छन् ।
त्यस अवसरमा बोल्दै डा. चौधरीले छिन्नमस्ता र राजविराजलाई जोडेर साँस्कृतिक पर्यटकीय नगरीको रुपमा विकास गर्नकालागि आफू प्रयासरत रहने र यसबाट मात्र यस क्षेत्रमा रोजगारी सृजना गर्न सकिने बताए ।
उक्त कार्यक्रममा उज्यालो नेपाल पार्टी सप्तरीका जिल्ला संयोजक डा. सूर्य प्रसाद यादवले यस क्षेत्रको विकासको लागि योग्य उम्मेदवार नछानिएसम्म शिक्षा, स्वास्थ्य र विकास सम्भव नहुने बताए ।
उक्त अवसरमा ललित यादवको नेतृत्वमा ११ सदस्यीय पालिकास्तरीय समिति गठन भएको छ ।
कार्यक्रममा जिल्ला सल्लाहाकारहरु सुधारकर सिंह र अजित चौधरीले राम्रो उम्मेदवारको छनौटबाट मात्र सप्तरीको विकास सम्भव हुने बताए ।
