राजविराज । अख्तियार दुरुपयोग अनुसन्धान आयोगमा सप्तरीबाट अत्यधिक उजुरी जाने गरेको छ । अख्तियारको इटहरी कार्यालयले सोमबार राजविराजमा आयोजना गरेको कार्यक्रममा यस्तो जानकारी गराइएको छ ।
आयोगको इटहरी कार्यालयका प्रमुख सह सचिव सुरेश न्यौपानेले कार्यालयले हेर्ने १२ जिल्लामध्ये सबैभन्दा बढी उजुरी सप्तरीबाट परेको बताए । उनले २० महिनामा जिल्लाबाट ६३६ उजुरी परेको जानकारी दिए ।
आ.ब. २०७९÷८० मा १७८ उजुरी पर्दा चालू आ.ब. २०८०÷८१ को फागुनसम्म ४५८ उजुरी यो जिल्लाबाट परेको छ । जसमा गत आ.ब.का ६७ र चालू आ.ब.को २४६ गरी ३१३ उजुरी फछ्र्याैट भइसकेको बताए । अहिले यो जिल्लाको ३२३ उजुरी बाँकी अवस्थामा रहेको न्यौपानेले बताए ।
कुन पालिकाबाट कति उजुरी ?
गत आ.ब. र यो आ.ब.को फागुनसम्म गरी २० महिनामा परेका उजुरीको तथ्यांक आयोगको इटहरी कार्यालयले प्रस्तुत गरेको छ । जसअनुसार सबैभन्दा बढी उजुरी बोदे बर्साइन नगरपालिकाबाट गएको छ ।
यो नगरपालिकाबाट ६७ उजुरी परेकोमा २४ वटा फछ्र्याैट भएको छ । राजविराज नगरपालिकाबाट ६४ वटा उजुरी परेकोमा २५ वटा फछ्र्याैट, डाक्नेश्वरी नगरपालिकाबाट ५२ वटा उजुरी परेकोमा २६ वटा फछ्र्याैट, महादेवा गाउँपालिकाबाट ४३ उजुरी परेकोमा २७ वटा फछ्र्याैट, रुपनी गाउँपालिकाबाट ३९ वटा उजुरी परेकोमा २१ वटा फछ्र्याैट, कंचनरुप नगरपालिकाबाट ३१ उजुरी परेकोमा १७ वटा फछ्र्याैट, सप्तकोशी नगरपालिकाबाट ३० वटा उजुरी परेकोमा १७ वटा फछ्र्याैट, सुरुङा नगरपालिकाबाट २९ उजुरी परेकोमा १३ वटा फछ्र्याैट र हनुमाननगर कंकालिनी नगरपालिकाबाट २७ उजुरी परेकोमा १७ वटा फछ्र्याैट भएको छ ।
यस्तै, बिष्णुपुर गाउँपालिकाबाट २१ उजुरी परेकोमा १२ वटा फछ्र्याैट, बलान बिहुल गाउँपालिकाबाट २० उजुरी परेकोमा ११ फछ्र्याैट, शम्भुनाथ नगरपालिकाबाट १९ उजुरी परेकोमा ७ फछ्र्याैट, तिरहुत गाउँपालिकाबाट१८ उजुरी पर्दा ११ फछ्र्याैट, खडक नगरपालिकाबाट १७ उजुरी पर्दा ७ फछ्र्याैट, छिन्नमस्ता गाउँपालिकाबाट १७ उजुरी पर्दा ६ फछ्र्याैट, तिलाठी कोइलाडी गाउँपालिकाबाट १७ उजुरी पर्दा९ फछ्र्याैट, अग्निसाइर कृष्णसवरण गाउँपालिकाबाट ९ उजुरी पर्दा ४ फछ्र्याैट तथा राजगढ गाउँपालिकाबाट ७ उजुरी पर्दा ४ वटाको फछ्र्याैट भइसकेको अख्तियारले जनाएको छ ।
त्यस्तै, अन्य प्रदेशका र संघमा परेको सप्तरीको उजुरीको संख्या १०९ रहेकोमा ५५ वटा फछ्र्याैट भइसकेको अख्तियारका इटहरी प्रमुख सुरेश न्यौपानेले जानकारी दिए ।
