राजविराज । जिल्ला प्रशासन कार्यालय, सप्तरीले सभ्य र शान्तिपूर्ण ढँगले होली पर्व मनाउन जिल्लाबासी सँग अपील गरेको छ ।
कार्यालयले मंगलबार एक सूचना जारी गर्दै यस्तो अपील गरेको हो । चाडपर्व मनाउने नाममा कसैको इच्छा विपरित रंग लगाउने, लोला हान्ने, फोहोर पानी तथा हिलो छ्याप्ने, मादक पदार्थ सेवन गरी सबारी साधन चलाउने, सार्वजनिक स्थलमा होहल्ला गर्नेजस्ता अवाञ्छित क्रियाकलाप नगर्न सूचनामा भनिएको छ ।
प्रमुख जिल्ला अधिकारी किरण थापाले जारी गरेको सूचनामा चाडपर्वको नाममा अवाञ्छित एवं कानुन विपरित कार्य गरे गराएको पाइएमा कानुन बमोजिम कार्वाही गर्ने चेतावनी दिइएको छ ।
यो खबर पढेर तपाईलाई कस्तो महसुस भयो ?
+1
+1
1
+1
+1
+1
+1
+1
