राजविराज । सप्तरी प्रहरीले चर्काे आवाजमा डीजे नबजाउन आग्रह गरेको छ । चर्काे आवाजमा डीजे बजाए कार्वाही गर्ने चेतावनी प्रहरीले दिएको छ ।
जिल्ला प्रहरी कार्यालयले बिहीबार बिज्ञप्ती जारी गर्दै चर्काेअ ावाजमा डीजे बजाएर समाजमा प्रतिकुल असर पार्ने कार्य गरेमा प्रचलित कानुन बमोजिम कार्वाही हुने चेतावनी दिएको छ ।
ध्वनी प्रदूषणले मानसुक समस्यमा वृद्धि हुने, गर्भवती महिलाहरुमा गर्भ खेर जान सक्ने समस्या भएको, मुटु रोगीहरुमा समस्या, कान सुन्न सक्ने क्षमतामा कमी आउनेसहितका समस्या देखिने गरेको सप्तरी प्रहरीका प्रबक्ता एवं डीएसपी ढुण्डीराज न्यौपानेले जानकारी दिए ।
उनले मुलुकी अपराध संहिता, २०७४ को परिच्छेद ५ को दफा ११२ मा वातावरण प्रदुषित गर्न नहुने व्यवस्था र सोही दफाको उपदफा (२) मा अधिकार प्राप्त अधिकारीको इजाजत बिना यान्त्रिक साधनबाट ध्वनी, रेडियोधर्मी विकिरण वा जाखिमपूर्ण फोहोरमैलाको उत्पादन, प्रशारण ओसारपसार गर्न वा थुपार्न नहुने र सोही दफाको उपदफा (४) मा यस्तो कसुर गर्ने वा गराउने व्यक्तिलाई ५ बर्षसम्म कैद वा ५० हजारसम्म जरिवाना वा दुबै सजाय हुने व्यवस्था रहेको बताए ।
