राजविराज । कोशी टप्पु वन्यजन्तु आरक्षमा भाले गैंडा छोडिने भएको छ । आरक्षमा यसअघि दुई वटा पोथी गैंडा छाडिएको थियो ।
वन तथा वातावरण मन्त्री नवलकिशोर साहले शनिबार वन्यजन्तु आरक्षमा एक वटा भाले गैंडा छाडिने जानकारी दिए ।
कोशी टप्पुमा पनि गैंडाको वंश विस्तार योजना अनुसार पहिला पोथी गैंडा पठाइएको र अहिले भाले गैंडा पठाउन लागिएको मन्त्री साहले जानकारी दिए ।
उनले कंचनरुप नगरपालिका अन्तर्गत पथरीमा शनिबार भाले गैंडा कोशी टप्पु वन्यजन्तु आरक्षलाई हस्तान्तरण गरिने कार्यक्रम रहेको बताए । उक्त कार्यक्रममा मन्त्री साह स्वयं उपस्थित हुनेछन् ।
यसअघि गत असोज महिनामा आरक्षमा पुष्पा र अञ्जली नामक गैंडा छाडिएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
