राजविराज । राजविराज नगरपालिका वडा नम्बर २ स्थित श्री चित्रगुप्त मन्दिरमा भगवान चित्रगुप्तको यस बर्ष पनि भव्यतापूर्वक पूजापाठ गरिएको छ ।
कायस्थ जातीको आराध्य देव चित्रगुप्त भगवानको पूजा हरेक वर्ष भाइटिकाको दिन मनाउने परम्परा परापूर्व कालदेखि रही आएको छ । यस दिन कायस्थ जातीले आ–आफ्नो कलमको पूजाअर्चना गरी कसैले पनि कलमले नलेख्ने चलन छ ।
भगवान को हाथमा नयाँ कलम राखेर पूजा गरिन्छ । उक्त कलम लिन सबैजना इच्छुक हुन्छन् । तर कुनै एक व्यक्तिले मात्रै पाउने भएकाले एकआपसमा डाक बढाबढ गरी यो किनेर आफ्नो नाममा पार्ने गरिन्छ । डाक बढाबढका क्रममा जसले बढी सहयोग राशी दिन्छन्, कलम उसैले पाउने गरेको चित्रगुप्त सेवा समिति का महासचिव रन्धीर कुमार कर्ण बताउँछन् ।
कलमको आराध्य देव, मनुष्य को जन्म मृत्यु पाप र पुन्यको लेखा जोखा राख्ने भगवान चित्रगुप्तको कायस्त जातीले राजविराजस्थित मन्दिरमा भव्यतापूर्वक पूजापाठ गर्ने गर्छन् ।
