गंगा प्रसाद साह
भारदह ।
सप्तरीको हनुमाननगर कंकालिनी नगरपालिकामा एक व्यक्तिले किनेको दहीमा मैदा घोलेको पाइएको छ ।
नगरपालिकाको वडा नम्बर ३ गिदखोरा निवासी केशोरी खंगले बुधबार किनेको दहीमा मैदा घोलेको पाइएको हो । खंगले पोर्ताहा चोकस्थित घनश्याम मैरबैताको पसलबाट दही किनेका थिए ।
खंगको घरमा आयोजना गरिएको भोजका निम्ति उनले बुधबार साँझ दही किनेर लगेका थिए । ३० किलोको जर्किन घरमा लगेर खोल्दा मैदा घोलेको पाइएको उनले बताए ।
‘दहीको जर्किन खोलेर हेर्दा मैदा खोलेको पाएँ’ खंगले इग्रीन मधेशसँग भने, ‘यस्तो पाएपछि राति १२ बजे नै पसलेलाई जानकारी गराएँ । राति कुनै वास्ता नगरेपछि अर्काे दही किनेर भोजमा प्रयोग गरें ।’
बिहीबार बिहान उक्त जर्किन लिएर पसलमा पुग्दा पसले घनश्यामले फिर्ता लिन नमानेको उनको भनाई छ । दुबैबीच चर्काचर्की भएपछि इलाका प्रहरी कार्यालय भारदहबाट पुगेको टोलीले घनश्यामलाई दहीसहित नियन्त्रणमा लिई इलाका प्रहरी कार्यालय कंचनपुर पु¥याएको छ ।
इलाका प्रहरी कार्यालय कंचनपुरका प्रमुख डीएसपी महेन्द्र नेपालले दहीलाई सुरक्षित राखिएको बताए । ‘दहीमा केहि न केहि मिसिएको देखिन्छ’ उनले इग्रीन मधेशसँग भने, ‘परीक्षणका लागि खाद्य तथा गुणस्तरीय कार्यालयसँग समन्वय गरेको छु ।’
डीएसपी नेपालले तत्कालका लागि घनश्यामलाई हाजिरी जमानीमा छाडिएको र दहीको परीक्षणपछि अन्य प्रकृया अगाडि बढाइने जानकारी दिए ।
