राजविराज । मधेश प्रदेश सरकारले प्रजातन्त्र दिवसको अवसरमा सप्तरीमा कार्यक्रमको आयोजना गर्ने भएको छ ।
सप्तरीमा अन्तरकृया कार्यक्रमका साथै दीप समेत प्रज्जलन गर्ने तयारी प्रदेश सरकारको छ ।
मधेश प्रदेश सरकारका प्रबक्ता समेत रहेका गृह, संचार तथा कानुन मन्त्री राजकुमार लेखीका अनुसार कार्यक्रम सप्तरीको छिन्नमस्ता गाउँपालिकामा हुनेछ ।
प्रजातन्त्र दिवसका दिन फागुन ७ गते (आज) सखडास्थित छिन्नमस्ता भगवती मन्दिरमा ११ हजार दिप प्रज्जवलन गर्ने जानकारी उनले दिए ।
साँझ दीप प्रज्जवलन गर्नुअघि अन्तरकृया कार्यक्रमको आयोजना समेत छिन्नमस्तामै हुने मन्त्री लेखीले जानकारी दिए ।
उनका अनुसार हालसम्म निर्माण भएका संविधानको विश्लेषण र बर्तमान संविधानको कार्यान्वयन बिषयमा अन्तरकृया आयोजना गरिनेछ ।
कार्यक्रममा नीति आयोगका सदस्य डा. शिला मिश्र तथा कुन्दन झाले प्रस्तुतीकरण गर्नेछन् ।
