राजविराज । राजेन्द्र महतो नेतृत्वको राष्ट्रिय मुक्ति पार्टी नेपालले पार्टीका सबै केन्द्रीय सदस्यलाई १५ दिन भित्र सम्पती विवरण भरी केन्द्रीय कार्यालयमा बुझाउन निर्देशन दिएको छ ।
पार्टीको दुई दिनसम्म बसेको केन्द्रीय समितिको बैठकले यस्तो निर्णय गरेको छ ।
बैठकले एकल नश्लिय चरीत्रलाई बदलेर बहुल राष्ट्रिय चरित्रको देश बनाउन र स्वशासनको अभ्यास गर्न सबै मिली राष्ट्रिय मुक्ति क्रान्ति गर्नु आवश्यक रहेकोले आन्दोलन र संघर्षको निम्ति समान धारणा र विचार मिल्ने पार्टी÷संगठन हरुसँग बृहत मोर्चाबन्दी गर्ने निर्णय पनि गरेको छ ।
देशमा विद्यमान सबैखाले समस्याबाट मुक्त हुन्, व्याप्त निराशाबाट छुटकारा पाउन, ध्वस्त भैसकेको अर्थतन्त्रलाई उकास्न, आफ्नो सभ्यता, संस्कृति, दर्शनलाई जोगाउने कार्यमा अग्रसर र एकमात्र विकल्पको रुपमा अगाडि बढेको यस पार्टीमा प्रवेश गर्न तथा पार्टीको गतिविधिलाई तीव्र रुपमा अगाडि बढाउन आर्थिक सहयोगको लागि समेत आम जनतालाई सार्वजनिक रुपमा आह्वान गरेको छ ।
बैठकले पार्टी अध्यक्षद्वारा प्रस्तुत राजनीतिक प्रतिवेदन माथि आएको सुझावहरुलाई समावेश गरि पारित गरेको छ भने मुजुम्लुङ संघर्षमा राज्यद्वारा दमनः अन्याय विरुद्ध सशक्त प्रतिरोधको आह्वान गरेको छ ।
यस्तै, पार्टीले वितिय समस्यालाई पहिलो प्राथमिकतामा राखेर समाधान खोज्ने निर्णय पनि गरेको छ ।
