राजविराज । राजविराज १६ निवासी दिनेश प्रसाद देवको श्रद्धाञ्जली सभाको आयोजना गरिएको छ ।
वागेश्वरी सेवा समितिले आइतबार उनको श्रद्धाञ्जली सभाको आयोजना गरिएको हो ।
लेखापढी व्यवसायी रहेर समाजसेवामा अग्रणी रहेका स्वर्गीय देवको निधन भएको १३औं दिनको अवसर पारेर श्रद्धाञ्जली सभाको आयोजना गरिएको हो । कार्यक्रमका वक्ताहरूले देवको निधनले समाजमा ठूलो क्षति भएको बताए ।
कार्यक्रममा विराट सेवा समिति विराटनगरका अध्यक्ष राजेन्द्र प्रसाद देव, उपाध्यक्ष कैलाशपती देव, लेखापढी व्यवसायी संघका केन्द्रीय सदस्य जयनारायण देव, वागेश्वरी सेवा समिति काठमाडौका अध्यक्ष माधव प्रसाद देव, भवानी सेवा समितिका अध्यक्ष इन्द्रनारायण देव, नेपाल पत्रकार महासंघ, सप्तरीका अध्यक्ष श्रवण कुमार देव, उपाध्यक्ष सुधा देव, विराटनगर निवासी रामनारायण चौधरी, भारतबाट आएका सितापुर भवानीपुरको तर्फबाट धिरेन्द्र प्रसाद देव, थर्बिटा निवासी अवधेश देव, बिरपुरका विवेकानन्द देव, भवानी सेवा समितिका पुर्व अध्यक्ष प्रतापनारायण चौधरी र पुरुषोत्तम चौधरी, वागेश्वरी सेवा समितिका योगेन्द्र प्रसाद देवसहितकाले स्वर्गीय दिनेश देवप्रती श्रद्धाञ्जली व्यक्त गरेका थिए ।
वागेश्वरी सेवा समितिका अध्यक्ष इ. इन्द्रनारायण देवको अध्यक्षतामा श्रद्धाञ्जली सभा कार्यक्रमको आयोजना गरिएको थियो ।
स्वर्गीय देवको स्मृतिमा परिवारजनले सकलैती भोजको आयोजना समेत गरेको छ । भोजमा नेपाल र भारतबाट समेत देव समुदायका स्वजातीयहरु सहभागी भएका छन् ।
