राजविराज । राजविराज नगरपालिकाभित्रका बिटौरी एवं ब्लक जग्गाधनीहरुले चौथो चरणको आन्दोलन घोषणा गरेको छ ।
आन्दोलन अन्तर्गत भदौ ५ गते स्थानीय गजेन्द्र चोकमा पत्रकार सम्मेलन गर्ने, ७ गते लाठी जुलुससहित खबरदारी सभाको आयोजना गर्ने, ९ गते सिटी जुलस प्रदर्शन गरिनेछ ।
यस्तै, ११ गते राजविराज नगरपालिकामा २ घण्टा धर्ना दिने, १४ गते मसाल जुलुस प्रदर्शन गर्ने, १५ गते राजविराज बजार बन्द गरी नगरपालिका कार्यालयमा ताला लगाउने कार्यक्रम उनीहरुले तय गरेका छन् ।
१६गते संघर्ष समिति तथा नगरबासीको वृहत बैठक बसी आन्दोलनको समीक्षा गर्दै पाँचौ चरणको आन्दोलन घोषणा गरिने संघर्ष समितिका संयोजक इर्साद अन्सारीले जानकारी दिए ।
उनीहरुले आन्दोलनको घोषणा उल्लेख भएको ज्ञाचपन पत्र सोमबार प्रमुख जिल्ला अधिकारी भोला दाहाललाई बुझाएका छन् ।
राजविराज नगरपालिकाको बिटोरी र ब्लक जग्गाको लालपूर्जाबाट वन्चित रहेका ५ हजार भन्दा बढी परिवारलाई अविलम्ब लाल पूर्जा प्रदान गर्नुपर्नेसहितका माग राख्दै उनीहरुले लगातार आन्दोलन गर्दै आएका छन् । पटक–पटक आश्वासन दिएपनि मागथ पूरा गर्नेतर्फ कुनै चासो नदिएकाले आन्दोलनको विकल्प नभएको उनीहरुको भनाई छ ।
