राजविराज । जनता समाजवादी पार्टी (जसपा) नेपाल, सप्तरीको अध्यक्षका प्रत्याशी उमेश प्रसाद यादवले आफूलाई षडयन्त्रपूर्वक हराएको बताएका छन् ।
१८ साउनमा जसपा नेपाल सप्तरीको निर्वाचन हुँदा केदार यादव विजयी भएका छन् भने उमेश यादव पराजित भएका छन् ।
चुनाव भएको झण्डै एक सातापछि उमेशले सामाजिक संजाल मार्फत् आफ्नो अभिव्यक्ति सार्वजनिक गरेका छन् । उनले चुनावमा आफूलाई षड्यन्त्रपूर्वक हराएको बताएका छन् ।
उनले आफ्नो ६० वटा मत रद्द गराइएको उल्लेख गरेका छन् । आफ्नै पार्टीको पदाधिकारी चयन गर्न दुई किसिमको नमूना मतपत्र बनाइएको उनले बताएका छन् । ‘एक नमूना मतपत्रले निर्वाचन भयो र विपक्षीलाई अर्काे नमूना मतपत्र दिएर अल्झाइयो । कसैको नामको अगाडि नै खाली ठाउँ राखिएको थियो, जसमा अल्झेर सम्पूर्ण मत रद्द गराउँदै मिशन पूर्ण गराउन खोजियो ।’ उनले फेसबुकमा लेखेका छन् ।
‘जति मतले जितेका छन् त्योभन्दा दोब्बर मत रद्द गराइयो’ उनले भनेका छन्, ‘यो षडयन्त्र नभई के हो ? ६० मत बदर कराएर आफ्नो जीत सुनिश्चित गरी वाहवाही लुटनु कहाँको न्याय हो ?’
२३५ मत ल्याएर केदार यादव निर्वाचित हुँदा उमेशले २०५ मत प्राप्त गरेको थिए । उनी ३० मतले पराजित भएका थिए ।
आफूले आचारसंहिता बैठकमा पटक–पटक आग्रह गर्दा पनि कसैले एक शब्द समेत नसुनेको उनको गुनासो छ । ‘पहिलादेखि नै षडयन्त्रपूर्वक दुई किसिमको मतपत्र प्रयोग गरियो’ उनलेभनेका छन्, ‘सही आफ्नो पक्षमा र गलत विपक्षीका लागि । सामाजिक संजालमा वाहवाही गर्नु राम्रो कुरा हो । तर झुठ बोलेर नभई संयमित रहनुस र संयमिता अपनाउनुस । यसमै पार्टी र सबैको भलाई छ ।’
निर्वाचन स्वच्छ हुनुपर्नेमा पूर्वाग्राही गरिएको उनको आरोप छ । पार्टीमा रहेको आन्तरिक द्वन्द्व कलह अभिमानलाई नै सर्वाेपरी मानिएको उनको भनाई छ । ‘बर्षाैपछि पनि नेतृत्व परिवर्तन हुनुप¥थ्यो जनमानसको भावना यहीं थियो उनले भनेका छन्, ‘तर त्यसको कदर गरिएन् ।’
निर्वाचन भएपनि पक्षधर र पुरानै नेतृत्वलाई नै अग्रपंक्तिमा ल्याउने इच्छा राखेर ठूला–ठूलाको आँखामा धूलो झोकिएको उनको भनाई छ ।
