राजविराज ।सप्तरीमा लागूऔषध गाँजा बेवारिसे अवस्थामा भेटिएको छ ।
जिल्लाकाे सुरुङा नगरपालिका ११ महेशपुरस्थित आँपकाे बगैचामा शुक्रबार बिहान २:३० बजेतिर उक्त गाँजा बरामद भएको छ ।
सेतो प्लाष्टिकको बोरामा हरियो प्लाष्टिकले बेरेको अवस्थामा ५ वटा पाेका भेटिएको र उक्त पाेकामा १२५ किलो गाँजा भेटिएको प्रहरीले जनाएको छ ।
विशेष सूचनाको आधारमा पुगेको प्रहरी चौकी धातिबाट प्रहरी सहायक निरीक्षक बिन्द्रा राय यादवको कमाण्डमा ५ जना र सशस्त्र प्रहरी बेस पातोबाट प्रहरी नायब उपरीक्षक नरेन्द्र सिहं धामीको कमाण्डुमा ७ जनाको संयुक्त टोलीले गाँजा बरामद गरेको हाे ।
उक्त गाँजा इलाका प्रहरी कार्यालय कडरबोनामा राखी अन्य अनुसन्धान गरिरहेको प्रहरीले जानकारी दिएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
