राजविराज । नेपाली कांग्रेस, सप्तरीले दिनदहाडै पत्रकारमाथि छुरा प्रहार हुनुले सुरक्षाको स्थिति नाजुक देखिएको बताएको छ ।
पार्टीका जिल्ला सचिव सनत मण्डलले सुरक्षाको स्थिति सुधार्न स्थानीय प्रशासनसङ माग गरेका छन् । ‘यो घटनाले सुरक्षाको स्थिति दयनीय देखाउँछ’ ई ग्रीन मधेशसँग कुरा गर्दै भने, ‘मुख्य बजारमै पत्रकार उपर छुरा प्रहारको घटना भएपछि अरु कसरी सुरक्षित रहन सक्छन् ?’
सचिव मण्डलले पत्रकार शौरभ यादवमाथि हमला गर्नेलाई पक्राउ गरी कार्वाही गर्न माग गरेका छन् ।
राजविराजस्थित गजेन्द्रनारायण सिंह अस्पतालको मूल गेट अगाडि आफ्ना सहकर्मीहरुसँग कुराकानी गरिरहेकाे बखत एउटा मोटरसाइकलमा आएका तीन जनाको समूहले पत्रकार यादवमाथि छुरा प्रहार गरेका छन् । छुरा प्रहारबाट यादवको दाहिने हातमा गहिरो घाउ बनेको छ । ती समूहले हेलमेटले समेत पत्रकार यादवको टाउकोमा प्रहार गरेका छन् । हमला गरे लगत्तै ती तीनै जना मोटरसाइकलमा चढेर तत्कालै फरार भएका छन् ।
