राजविराज । अति अल्पसंख्यक सूचीमा रहेको देब जातीको इतिहास लिपिबद्ध गरिने भएको छ ।
जातीय संगठन बागेश्वरी सेवा समितिले देब जातीको इतिहास सम्बन्धी गोष्ठीको आयोजना गर्दै यस्तो निर्णय गरेको छ ।
शनिबार आयोजना गरिएको गोष्ठीमा चार जना इतिहासविदले देब जातीको इतिहासबारे कार्यपत्र प्रस्तुत गरे ।
अधिबक्ता रामनारायण देव, शोभाकान्त देव, इन्जिनियर सचिन्द्र प्रसाद देव र इन्जिनियर भुवनेश्वर देबले जातीय इतिहास सम्बन्धी आ–आफ्ना कार्यपत्र प्रस्तुत गरे ।
कार्यपत्र प्रस्तुत भएपछि यसलाई मूर्त रुप दिन एक समिति गठन गरिएको छ । बागेश्वरी सेवा समितिका अध्यक्ष इन्जिनियर इन्द्रनारायण देवको संयोजकत्वमा समिति गठन गरिएको हो ।
समितिमा भवानी सेवा समितिका अध्यक्ष बिष्णुप्रसाद देव, डा. चिरञ्जिवी लाल देब, डा. कमानन्द देब, अधिबक्ता रामनारायण देव, इन्जिनियर सचिन्द्र कुमार देव, इन्जिनियर भुवनेश्वर देव सदस्य छन् ।
समितिको सल्लाहकारमा पूर्व मन्त्री जितेन्द्रनारायण देव, धुव्र देब र प्रतापनारायण चौधरीलाई राखिएको छ ।
नेपालमा देब जातीको संख्या अहिले सात हजार ४१८ रहेको छ ।
