गंगा प्रसाद साह
भारदह । हनुमाननगर कंकालिनी नगरपालिकाले २०८० सालको एसईई र कक्षा ८ मा उत्कृष्ट अंक ल्याउने विद्यार्थीलाई सम्मान गरेको छ ।
शुक्रबार एक कार्यक्रमको आयोजना गरी पालिकाले एसईईमा उत्कृष्ट अंक ल्याउने दुई जना र कक्षा ८ मा उत्कृष्ट अंक ल्याउने चार जनालाई सम्मान गर्दै शैक्षिक सामग्री समेत प्रदान गरेको छ ।
एसईईमा ३.९१ जिपिए ल्याउने नगरपालिकाको वडा नम्बर ३ स्थित सरस्वती शिशु सदनका गंगा मण्डल र ३.६४ जिपिए ल्याउने वडा नम्बर १ स्थित वी.पी. स्मारक माविका पुष्पाञ्जली माझीलाई सम्मान गरिएको छ ।
यस्तै, कक्षा ८ को परीक्षामा ३.९१ जिपिए ल्याउने वी.पी. स्मारक मावि भारदहका जयकरण खड्गा, ३.३९ जिपिए ल्याउने मावि मधवापुरका सरिता कुमारी खंग, ३.९१ जिपिए ल्याउने सरस्वती शिशु सदनका शिबकुमार यादव र ३.८१ जिपिए ल्याउने सरस्वती सदनकै अंकिता कुमारी गुप्तालाई सम्मान गरिएको छ ।
उनीहरुलाई पालिका प्रमुख बिरेन्द्र माझीले सम्मान गरे । उत्कृष्ट विद्यार्थीलाई सामसुंगको ट्याब्लेटसहित काँपी, कलम, पेन्सिल, जुमेट्री बक्स र वृहत ज्ञानकोष समेत प्रदान गरियो ।
त्यस अवसरमा पालिका प्रमुख माझीले शिक्षाको स्तर राम्रो बनाउन सबैले सहयोग गर्नुपर्ने बताए ।
सामुदायिक शिक्षाको अवस्था कमजोर बन्दै गएको बताउँदै उनले सबै सरोकारबालाले राम्रो बनाउन सहयोग गर्नुपर्ने बताए ।
