राजविराज । सप्तरीमा बसले ठक्कर दिएर लडेका एक वृद्धकाे घिसारेर ज्यान लिएको छ ।
जिल्लाकाे अग्नीसाईर कृष्णासवरन गाउँपालिका २ चाँदनी चौक स्थित पूर्वपश्चिम राजमार्गमा शनिबार बिहान याे घटना भएको छ ।
पश्चिमबाट पूर्व तर्फ गइरहेको प्र १-०१-००१ख ४५६० नम्बरको बसले सोही दिशातर्फ जाँदै गरेको साइकल यात्रीलाई पछाडीबाट ठक्कर दिएको हाे । साइकलमा स्थानीय बर्ष ६८को बुदुर चौधरी सबार थिए । ठक्कर दिएपछि लडेका चाैधरीलाई ५० मिटरसम्म घिसारेकाे स्थानीयले बताएका छन् । घिसारेर किच्दा उनको घटनास्थलमै ज्यान गएको स्थानीयकाे भनाई छ ।
ठक्कर दिने बस र चालकलाई नियन्त्रणमा लिएको इलाका प्रहरी कार्यालय कंचनपुरले जनाएको छ ।
बसको ठक्करले ज्यान गएपछि आक्रोशित स्थानीयले पुर्व पश्चिम राजमार्ग अवरुद्ध गरेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
