संयुक्त लोकतान्त्रिक मोर्चाले कालोपट्टी बाँधेर संविधान दिवसका दिन बिरोध जनाउने

राजविराज । संयुक्त लोकतान्त्रिक मोर्चाले कालोपट्टी बाँधेर संविधान दिवस मनाउने भएको छ । संविधान दिवस भोलि मनाइँदैछ ।

संयुक्त लोकतान्त्रिक मोर्चाको बिहीबार बसेको बैठकले यस्तो निर्णय गरेको छ । २०७२ असोज ३ गते संविधान जारी भएको दिन मधेशका सपुतको छातीमा गोली ठोकी जबर्जस्ति एकतर्फी रुपमा संविधान लाद्ने काम भयो र आन्दोलनको मर्म र भावना विपरीत अपुर्ण र अधुरो संविधान जारी गरिएको भन्दै मोर्चाले संविधानलाई आंशिक रुपमा स्वीकार गरी सामुहिक रुपमै कालोपट्टी बाँधी विभिन्न खाले विरोधका कार्यक्रमहरु गरी प्रदर्शन गर्ने निर्णय गरेको छ ।

यसअघि प्रत्येक वर्ष मधेशी दलले सहिदको सम्झनामा र संविधानको पुनर्लेखन अथवा परिमार्जन तथा संशोधनको माग राख्दै असोज ३ मा प्रदर्शन गदृै आएको थियो ।