राजविराज । पाँच दिने बालमैत्री क्रियाकलापमा आधारित शिक्षक सिकाई तालिम सप्तरीको हनुमाननगर कंकालिनी नगरपालिकामा प्रारम्भ भएको छ ।
युनाइटेड मिसन टु नेपालको सहयोगमा सञ्चालित शिक्षा सुरक्षा परियोजना अन्तर्गत सबल नेपालको आयोजना र हनुमाननगर कंकालिनी नगरपालिकाको सहकार्यमा यो तालिमको आयोजना गरिएको हो ।
तालिमको उद्घाटन गर्दै नगरपालिकाका प्रमुख बिरेन्द्र माझीले बालमैत्री क्रियाकलापमा आधारित शिक्षक सिकाई अहिलेको आवश्यक्ता रहेको बताए । उनले यसतर्फ शिक्षकहरुले ध्यान दिनुपर्ने बताए ।
सबल नेपालका अध्यक्ष जुना गिरीको अध्यक्षतामा आयोजित तालिमको उद्घाटन सत्रमा वडा नम्बर ११ का अध्यक्ष साकिर खान, युनाइटेड मिसन टु नेपालका कार्यक्रम व्यवस्थापक सुरज सुनारको उपस्थिति रहेको थियो ।
तालिममा नगरपालिकाको वडा नम्बर ११, १२ र १४ स्थित विद्यालयको कक्षा १ देखि तीनसम्मका कक्षाका शिक्षकहरूको सहभागिता रहेको छ ।
तालिममा समुन्नतका प्रशिक्षक पवन कुमार अधिकारीले तालिम दिइरहेका छन् ।
