राजविराज । सप्तरीको डाक्नेश्वरी नगरपालिकामा गाउँ ब्लक जग्गाधनीलाई लालपुर्जा बितरण गरिएको छ ।
नगरपालिकाको वडा नम्बर ९ साविकको पत्थरगाडा गाविसका बासिन्दालाई यो लालपुर्जा बितरण गरिएको हो ।
पत्थरगाडामा शनिबार आयोजित एक कार्यक्रममा उनीहरूलाई लालपुर्जा बितरण गरिएको वडा अध्यक्ष कर्णदेव चौधरीले बताए ।
उनका अनुसार ३४६ परिवारलाई लालपुर्जा बितरण गरिएको हो ।
कार्यक्रमका प्रमुख अतिथि प्रतिनिधि सभा सदस्य अमरकान्त चौधरीले लामो समयपछि लालपुर्जा बितरण गरिएको भन्दै अब यत्रो समय नलगाई अन्य ठाउँमा बितरण गर्न नापी कार्यालयलाई सुझाव दिए ।
‘अन्य ठाउँमा पनि जग्गा नापी भैसकेको छ’ उनले भने, ‘ती ठाउँहरुमा पनि चाँडो प्रक्रिया पुर्याएर लालपुर्जा बितरण गर्नु जरुरी छ ।’
कार्यक्रममा बोल्दै नगरपालिकाका प्रमुख रामलखन मलाहले लामो प्रतीक्षा पश्चात लालपुर्जा बितरण गरिएको बताए ।
उनले नगरपालिकाको अन्य ठाउँमा पनि जग्गाको नापी भैसकेको बताउँदै ती जग्गाहरुको पनि लालपुर्जा बितरण चाँडै गरिने बताए ।
कार्यक्रममा भूमी समस्या समाधान आयाेगका विज्ञ सदस्य पञ्चदेव चाैधरी, डाक्नेश्वरी नगरपालिकाका पूुर्व प्रमुख शिवनारायण साहसहितकाले मन्तव्य व्यक्त गरेका थिए ।
