राजविराज । मन्दिर प्राङणमा तरबारले केक काटेपछि सप्तरीबाट चार जना पक्राउ परेका छन् ।
जिल्लाको हनुमाननगर कंकालिनी नगरपालिका १ भारदहस्थित कंकालिनी मन्दिर प्राङणमा तिरहुत गाउँपालिका ५ बुधेवा बस्ने २३ बर्षीय मो. इमरानको जन्म दिन मनाउने क्रममा तरबारले केक काटिएको थियो ।
बैशाख २ गते साँझ भेला भई तरबारले केक काटेर जन्म दिन मनाएका उनीहरुलाई ३ गते साँझ पक्राउ गरिएको प्रहरीले जनाएको छ ।
पक्राउ पर्नेमा इमरानसहित हनुमाननगर कंकलिनी नगरपालिका १ बस्ने २० बर्षीय धर्मबीर मालाकार, १८ बर्षीय करण कुमार दास र १९ बर्षीय गोबिन्द खड्का छन् ।
पक्राउ परेकाहरुलाई इलाका प्रहरी कार्यालय कंचनपुरमा राखी थप अनुसन्धान गरिरहेको जिल्ला प्रहरी कार्यालय, राजविराजका प्रहरी निरीक्षक अनिल कुमार साहले जानकारी दिए ।
यो खबर पढेर तपाईलाई कस्तो महसुस भयो ?
+1
+1
+1
2
+1
1
+1
+1
+1
