सप्तरीमा करेन्ट लागेर एकको मृत्यु, दुई जना घाइते

राजविराज । सप्तरीको छुट्टाछुट्टै ठाउँमा करेन्ट लागेर एक जनाको मृत्यु भएको छ भने दुई जना घाइते भएका छन् ।

जिल्लाको महादेवा गाउँपालिका ६ ढिकुली बस्ने २५ बर्षका जवाहर मन्डलको करेन्ट लागेर मृत्यु भएको छ ।आफ्नै घरको छतमा जस्ता राख्ने क्रममा उनलाई मंगलबार बिहान करेन्ट लागेको थियो । उनलाई छुटाउने क्रममा उनका काका ५१ बर्षका उमेशलाई पनि करेन्ट लाग्दा दुबैलाई उपचारका लागि राजविराजस्थित अस्पताल ल्याउदा चिकित्सकले जवाहरलाई मृत घेषणा गरेकाे प्रहरीले जनाएको छ ।

उमेशको भने अस्पतालमै उपचार भैरहेको छ ।

यस्तै, रुपनी गाउँपालिकामा करेन्ट लागेर एक युवक घाइते भएका छन् ।

बाँस काट्दा बाँस विजुलीकाे तारमा छुन गई रूपनी गाउँपालिका ६ विरेन्द बजार बस्ने ३२ बर्षका कुमार थापालाई करेन्ट लागेको छ ।

उनको रुपनीस्थित युनिक अस्पतालमा उपचार भैरहेको प्रहरीले जनाएको छ ।