राजविराज । मधेश प्रदेशका मुख्यमन्त्री सरोज कुमार यादवले प्रदेशको सरकारी गाडी अरुले चढ्न नपाउने बताएका छन् । उनले जसका लागि गाडी राखिएको हो, उनले मात्रै चढ्न पाउनले बताए ।
प्रदेश सभाको पहिलो अधिवेसनको बिहीबार बसेको चौधो बैठकलाई सम्बोधन गर्दै मुख्यमन्त्री यादवले प्रदेश सरकारका गाडी नचढ्ने व्यक्तिलाई चढन नदिन सचिवहरुलाई निर्देशन दिइएको बताए ।
बुधबारको प्रदेश सभा बैठकमा सांसदहरुले सरकारी गाडी अनाधिकृत व्यक्तिलाई पनि चढ्न दिइएको भन्दै बिरोध जनाएपछि मुख्यमन्त्री यादवले बिहीबारको बैठकमा यस्तो कुरा बताएका हुन् ।
तीन दिन भित्र गाडी कहाँ र कसलाई दिइएको छ त्यो ल्याउन सचिवलाई भनिसकेको छु’ उनले भने ।
उनले सशर्त अनुदानको बिषयमा सांसदसँग जति समन्वय गर्नुपर्ने हो त्यत्ति हुन नसकेको बताए । ‘अब सशर्त अनुदानको कार्यविधी संशोधन गरेर समन्वय ग¥छौं’ उनले भने ।
उनले आफ्नो कार्यकालमा मन्त्रालयहरुमा विचौलियाको चलखेल हुन नदिने समेत बताए ।
मुख्यमन्त्रले बोल्नुअघि प्रदेशसभा बैठक प्रमुख प्रतिपक्षी नेकपा एमालेका सांसदहरुले अवरुद्ध गरेका थिए । बैठक शुरु हुनासाथ एमालेका सांसदले आफूहरु कुनै कुरा राखेपनि सरकारले त्यसतर्फ ध्यान नदिएको भन्दै बैठक अवरुद्ध गरेका थिए ।
नेकपा एमालेले शसर्त अनुदानको विषयमा पछिल्लो बैठकमा प्रश्न उठाएकोमा सरकार पक्षबाट जवाफ नआएको भन्दै बैठक अवरुद्ध गरेको हो ।
