सप्तरीका यी दुई सांसद परे बिषयगत समितिमा

राजविराज । मधेश प्रदेश सभाको बिषयगत समितिमा सप्तरीका दुई जना सांसद परेका छन् ।
सांसद राजकुमार लेखी प्राकृतिक श्रोत तथा वातावरण समितिमा परेका छन् । उनी सप्तरी क्षेत्र नम्बर १ को १ बाट निर्वाचित भएका छन् ।
सांसद अनिरुद्ध सिंह यादवको समिति हेरफेर गरिएको छ । यसअघि महिला बालबालिका तथा सामाजिक समितिमा रहेका उनलाई सार्वजनिक लेखा समितिमा पठाइएको छ । सांसद सिंह सप्तरी क्षेत्र नम्बर ४ को २ बाट स्वतन्त्र रुपमा जितेका छन् ।
बिहीबार बसेको प्रदेश सभाको बैठकमा बिषयगत समिति हेरफेर गरिएको छ । सार्वजनिक लेखा समितिबाट लखन दासलाई अर्थ योजना समितिमा, कृषि तथा भूमी व्यवस्थापन समितिबाट शारदा थापालाई सार्वजनिक लेखा समितिमा पठाइएको सभामुख रामचन्द्र मण्डलले बैठकमा बताए ।
सांसद जैयद आलमलाई महिला बालबालिका तथा सामाजिक, सरोज यादवलाई अर्थ तथा योजना समितिमा राखिएको छ ।