राजविराज । सप्तरीको तिलाठी कोइलाडी गाउँपालिकामा भएको आगलागीबाट लाखौंको क्षति भएको छ ।
आईतबार राति करिब ९ बजेतिर गाउँपालिकाको वडा नम्बर ३ सकरपुरामा आगलागी भएको हो । लामखट्टुे धपाउन बालिएको घुरबाट सल्केको आगोले तीन जनाको घरसहित सम्पूर्ण सरसामान जलेर खरानी बनेको छ ।
प्रहरीका अनुसार आअगलागीले तयनी यादव, गोकर्ण मुखिया र लखन मुखियाको घर जलेको छ ।
नयनी यादवको टिनले छाएको घरसहित अन्नपात, लत्ताकपडा, भाडाबरतनसहित २ तोला सुन, १ किलो चाँदी र २ वटा बाख्रा जलेको छ ।
गोकर्णको टिनले छाएको घरसहित अन्नपात, लत्ताकपडा, भाडाबर्तन, ५ तोला सुन, १ किलो चाँदी र २ वटा बाख्रा जलेको छ ।
यस्तै, लखनको टिनले छाएको घरसहित अन्नपात, लत्ताकपडा, भाडाबर्तनसहित २ वटा बाख्रा जलेको प्रहरीले जनाएको छ ।
आगलागीले रु ३३ लाखभन्दा बढीको क्षति भएको जिल्ला प्रहरी कार्यालय, राजविराजले जनाएको छ ।
आगोलाई राजविराज तथा हनुमाननर कंकालिनी नगरपालिकाबाट गएको बारुण यन्त्र, स्थानीय तथा प्रहरीको सहयोगमा निभाइएको थियो ।
