राजविराज । नेपाली कांग्रेस सप्तरी क्षेत्र नम्बर ३ ख द्वारा मंगलबार हाेली पर्वको अवसरमा शुभकामना आदानप्रदान कार्यक्रमको आयोजना गरिएको छ।
जिल्लाको डाक्नेश्वरी नगरपालिका ५ स्थित पातो बजारमा कांग्रेस क्षेत्रीय समितिले शुभकामना आदानप्रदान कार्यक्रमको आयोजना गरेको हो । कार्यक्रमका वक्ताहरुले पुरानो रिसराग त्याग गरी पार्टीलाई मजबुत बनाउन सबै लाग्नुपर्ने बताए।
पार्टीका प्रादेशिक क्षेत्रीय समिति सभापति भागवत यादवको अध्यक्षतामा आयोजित कार्यक्रममा महाधिवेशन समिति सदस्य एवं प्रदेशका उम्मेदवार भगवती प्रसाद यादव, डाक्नेश्वरी नगरपालिकाका पार्टी सभापति नारायण प्रसाद यादव, पार्टीका जिल्ला सदस्यहरु मानवीर रजक, राजदेव यादव, राम सुन्दर मण्डल सहितका नेता कार्यकर्ताहरूको सहभागिता थियो। कार्यक्रममा एकले अर्कालाई अबिर लगाइदिँदै होलीको शुभकामना दिएका थिए। उक्त अवसरमा प्रदेश ३ ख अन्तर्गतका सम्पूर्ण नेता एवं कार्यकर्ताहरूको उपस्थिति रहेको थियो ।
