राजविराज । जनता समाजवादी पार्टी (जसपा) नेपालका अध्यक्ष उपेन्द्र यादवले मधेशमा एक जना ‘उच्चका’ फेला पारी नेपाली कांग्रेस र कम्युनिष्टले सप्तरीको विकास हुन नदिएको बताएका छन् ।
सप्तरीको तिरहुत गाउँपालिकामा आईतबार पार्टीद्वारा आयोजित कार्यक्रमलाई सम्बोधन गर्दै उनले यस्तो बताएका हुन् । जनमत पार्टीका अध्यक्ष डा. सिके राउतलाई लक्षित गरी पूर्व उप प्रधानमन्त्री समेत रहेका यादवले यस्तो अभिव्यक्ति दिएका हुन् ।
‘कृषि विश्वविद्यालय, मेडिकल एकेडेमी हस्पिटल बनाएर सप्तरी जिल्लालाई विकसित जिल्ला बनाउने अभियान शुरु गरियो’ यादवले भने, ‘ तर कांग्रेस कम्युनिष्टले मधेशमा एउटा उच्चका फेला पारिहाले र, उनलाई लिएर सबै बर्बाद गरिदियो ।’
‘सप्तरी आउँदा कांग्रेस कम्युनिष्टका नेता धोती कुर्ता, गमछा लगाएर आउँछन् र मधेशीले काम नगरेको आरोप लगाउँछन’ उनले भने, ‘तर विकास हुन नदिने उनीहरु नै हुन् ।’
मधेशलाई कमजोर बनाउने खेलमा मधेशीलाई नै प्रयोग गर्ने गरिएको उनको भनाई छ ।
