राजविराज । नेपाली कांग्रेस, सप्तरीले राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनलाई कार्वाहीको माग गरेको छ ।
जिल्ला प्रशासन कार्यालय, सप्तरी मार्फत आइतबार प्रधानमन्त्रीलाई ज्ञापनपत्र पठाउँदै सप्तरी कांग्रेसले लिङ्देनलाई कार्वाहीको माग गरेको हो ।
लिङ्गदेनले कपोलकल्पित, भ्रामक अभिव्यक्ति राखी संसद, जनता र समाजलाई दिग भ्रमित गरी दुष-प्रचार गर्ने कार्य गरेको ज्ञापनमा जनाइएकाे छ ।
‘राजावादीहरुको आन्दोलनमा कोटेश्वर स्थित भाटभटेनीमा भएको लुटपाटमा नेपाली कांग्रेसका सह-महामन्त्रीको छोराले लुटपाट गरेको भनी लिङ्देनले राखेको अमर्यादित भनाई प्रति हाम्रो गम्भिर आपत्ती छ’ कांग्रेसका जिल्ला सचिव सनत मण्डलले पठाएको ज्ञापनमा भनिएको छ, ‘मा. लिङ्देनको सो कदमले नेपाली जनताको बलीदानबाट प्राप्त संघीयता, लोकतन्त्र, गणतन्त्रलाई कमजोर गर्ने दुष्प्रयास गरेको हामीले महसुस गरेका छौ।’
यस्तो विवादास्पद भनाईप्रति खेद प्रकट गर्दै ज्ञापनमा नेपाली काँग्रेसको कुन सह-महामन्त्रीको छोराले लुटपाट गरेको हो भनी प्रष्ट पार्न चुनौती दिइएकाे छ ।
यस्ता गैर जिम्मेवारपुर्ण अभिव्यक्ति दिने लिङ्गदेनलाई कानून अनुसार आवश्यक कार्वाही गर्न माग गरिएको छ । गर्दछ । समाजिक संजालमा सह-महामन्त्रीको नाम राखी समाजिक प्रतिष्ठामा आँच पुग्ने गरी भएको मान मर्दन हर्कतको घोर भत्र्सना गर्दै उक्त निन्दनीय कार्यको लागि कानून बमोजिम लगायतका मुद्दा चलाई उनलाई हदै सम्मको कार्वाही गर्न माग गरिएको छ ।
