बलानबिहुलमा प्रहरीको छापा, १६ पोका गाँजा बरामद

राजविराज । पटक–पटक लागूऔषध गाँजा बरामद भएको सप्तरीको बलानबिहुल गाउँपालिकामा पुनः ठुलो परिमाणको गाँजा रहेको आशंकामा प्रहरीले छापा मारेको छ ।
गाउँपालिकाको वडा नम्बर २ दिघिया टोलस्थित एक घरमा बुधबार साँझ प्रहरीले छापा मारेको छ । प्रहरी श्रोतका अनुसार १६वटा पोकामा गाँजा भेटिएको छ ।
यसअघि पनि धेरै पटक यो पालिकाबाट गाँजा प्रहरीले नियन्त्रणमा लिइसकेको छ ।
यस सम्बन्धमा अन्य अनुसन्धान भइरहेको प्रहरीले जनाएको छ ।