राजविराज । सप्तरीको हनुमानगर कंकालनी नगरपालिका वडा नम्बर ४ का स्थानीय बासीहरु बडा अध्यक्ष मौली मण्डलको कार्यशैली स्वेक्षाधारी भएको भन्दै एकजुट भएर आन्दोलनमा उत्रिने निर्णय गरेको छ ।
स्थानीय तह गठन हुनु भन्दा पहिले सवैको सहयोगमा आपतकालिन अबस्थाको लागि व्यवस्था गरेर राखिएको ठूलो होमपाईप वडा बाहिर लगेको र वडामा हुने गरेको विकासे काम सम्पन गर्न गुपचुप उपभोक्ता समिति बनाएर काम गर्ने गरेको स्थानीयको भनाई छ । मनोमानी तरिकाले काम गरिरहेको भन्दै वडा अध्यक्ष विरुद्व आन्दोलन गर्ने निर्णय उनीहरुले गरेका छन् ।
निर्वतमान वडा अध्यक्ष नागेश्वर मण्डलको अध्यक्षमा वडाबासीहरुको सहाभागितामा सम्पन भएको बैठकले वर्तमान वडा अध्यक्ष मौली मण्डलको स्वेक्षाधारी कार्यशैली विरुद्व आन्दोलन गर्ने निर्णय गरेको हो ।
समस्त बडाबासीको सहभागितामा भएको भेलाले तत्काल वडा अध्यक्षलाई सात दिन भित्र भेलाले गरेको निर्णयको जवाफ दिन आग्रह समेत गरेको छ ।
भेलामा सहभागी स्थानीय राजनीतिकर्मी कुुशुमकान्त झाले स्वेक्षाधारी तबरले काम गर्नेलाई तत्काल रोक्न सवैलाई एकजुट हुनुपर्नेमा जोड दिए ।
स्थानीय तह गठन हुनु पुर्व स्थानीयको आग्रहमा तत्कालिन गाविस अध्यक्षले आपतकालिन अवस्थामा प्रयोग गर्न राखिएको होमपाईप कसैलाई जानकारी नदिईकन अन्यन्त्र लगिनु समस्त वडाबासीको अपमान भएको झाको कथन थियो ।
सोही अबसरमा पुर्व गाविस उपाध्यक्ष नन्दकेश्वर मण्डलले कसैले स्थानीयबासीको मर्म र भावना विपरित काम गरे आफुहरु चुप लागेर नबस्ने चेतावनी दिए ।
उनले स्थानीयको भावना अनुसार काम गर्न वडा अध्यक्षलाई आग्रह गर्दे मनमर्जी गरे परिणाम स्वयम वडा अध्यक्षले भोग्नुपर्ने चेतावनी दिए । उनले वडामा निर्माण गर्न लागेको चिपस फैक्टरीको भवन निर्माण गर्न वडा अध्यक्ष मौली मण्डलले आफ्नै सहोदर कान्छो भाई रामचन्द्र मण्डललाई निर्माण समितिको अध्यक्ष बनाएर कमर्सीयल काम गरेको आरोप लगाए ।
‘सुनेको अधारमा फैक्टरी निर्माण गर्न ५० लाख आएको छ’ पुर्व उपाध्यक्ष मण्डलले भने, ‘तर काम ३० लाखको मात्रै काम भएको छ । हाम्रो कुरा वडा अध्यक्षले सुन्दैन तर हामी वडा बासीको समस्या बुझेर बोल्न बाध्य भएको छु ।’
निबर्तमान वडा अध्यक्ष नागेश्वर मण्डलले जनभावना अनुसार आफुले अघि बढेको बताए ।
निर्वाचनको परिणाम आफुले स्वीकार गरेर जनताको सेवामा अहोरात्र खटेको भन्दै वडाबासीको आदेश अनुसार कठोर भन्दा कठोर काम गर्न प्रतिवद्ध रहेको बताए ।
‘मलाई वडाबासीले जनभावना अनुसार काम गर्न जुन निर्देशन दिन्छ म तयार छु’ उनले भने ।
मतादेशको मातमा कसैले दादागरी गरे जुनसुकै प्रतिवाद गर्ने उनले बताए ।
सो अवसरमा शिवु नेताले वडा अध्यक्ष मौली मण्डलले सबैलाई बेवकुप बनाएर एकात्वमक तवरले स्वेक्षाधारी हिसावले अधि बढ्न खाजेको आरोप लगाए ।
उनले वडाध्यक्षले आफना भतिजा प्रविण मण्डललाई ग्रामदेवताकोे मन्दिर परिसर भित्र आवश्यक निर्माण कार्य गर्न जिम्मेवारी दिएर भद्रगोल गरेपनि मौणताधारण गरेर व्यापक रकम हिनामिना गरेको आरोप लगाए ।
उनका अनुसार माटोका रकम रहेता पनि ग्रामदेवताको मन्दिर परिसरमा तीन फिट खाल्टो खनी निर्मानित भवनमा पुरेको छ ।
काग्रेसका स्थानीय नेता नन्दकेश्वर मण्डलले तत्काल वडा अध्यक्षले वैठकको निर्णय बमोजिम होममपाईमको अवस्था सार्वजनिक गरेर उठाएको स्थानमा सात दिन भित्र नराखे वडाको कार्यालयमा ८औं दिन तालाबन्दी गर्ने चेतावनी दिए ।
होमपाईप स्थानीयलाई बिना जानकारी .लगेपछि वडा स्तरमा भएको दुई दिनको बैठकमा वडा अध्यक्ष मौली मण्डललाई व्यक्ति पिच्छे बैठकमा सहभागी हुन आग्रह गरेपनि उनले आउन मानेनन् ।
बैठकमा जनप्रतिनिधिको सहभागिता नभएपछि स्थानीय युवाहरु आक्रोशित बनेका थिए । यस विषयमा वडा अध्यक्ष मौली मण्डल संग फोनमा सम्पर्क गर्न खोज्दा कुनै प्रतिक्रिया दिन मानेनन् ।
