राजविराज । सामाजिक संजालमा अरुलाई ठेस पुग्ने गतिविधी/पोष्ट गरेको पाइएमा सप्तरी प्रशासनले कानूनी दायरामा ल्याएर कारवाही गर्ने भएको छ ।
जिल्ला प्रशासन कार्यालयमा बसेको सर्वदलीय सर्वपक्षीय बैठकले यस्तो निर्णय गरेको हो ।
बैठकले सामाजिक संजालमा कुनै पनि धर्म सम्प्रदायसँग सम्बन्धी पोष्ट कोही कसैले कानूनले भए गरेको बाहेक अरुलाई ठेस पुग्ने गतिविधी/पोष्ट गरेको पाइएमा कानूनी दायरामा ल्याइ कारवाही गर्ने निर्णय भएको प्रमुख जिल्ला अधिकारी टुवराज पोखरेलले जानकारी दिए ।
बैठकले मिति २०८२।०९।२५ देखि अघि र पछि यस जिल्लामा कुनै किसिमको आन्दोलन सरकारी, सार्वजनिक तथा नीजी सम्पत्तिलाई हानी नोक्सानी, तोडफोड तथा आगजनी गरेको पाइएमा सक्त रुपमा कानूनी दायरामा ल्याइ कारवाही गर्ने निर्णय पनि गरेको छ ।
बैठकले फाल्गुन २१ गते हुने प्रतिनिधी सभा सदस्य निर्वाचन केन्द्रित शान्ति सुरक्षाको सन्दर्भमा विशेष प्रत्याभुतिका साथ शान्ति सुरक्षाको व्यवस्था मिलाउने निर्णय पनि भएको छ ।
आगामी फाल्गुन २१ गते हुने प्रतिनिधी सभा सदस्य निर्वाचनको सम्बन्धमा जिल्ला निर्वाचन अधिकारीले बैठकमा उपस्थिति सम्पूर्ण राजनीतिक दलहरुलाई जानकारी गराएका थिए ।
