स्वाभिमानकाे शक्ति प्रदर्शन : सतिश सिंहले भने सधैं जनताकै पक्षमा रहनेछु

राजविराज । स्वाभिमान पार्टीले राजविराजमा शक्ति प्रदर्शन गरेको छ ।
पार्टीका नेता, कार्यकर्ता, शुभेच्छुकसहित यो पार्टीले विशाल र्याली प्रदर्शन गर्दै शक्ति प्रदर्शन गरेको हो । पार्टीका उम्मेदवार सतिश सिंह अगाडि रहेको विशाल र्यालीमा मोटरसाइकलमा समेत सहभागी थिए । र्यालीले नगरको विभिन्न भाग परिक्रमा गरि स्थानीय जन आन्दोलन चोकमा सभाको आयोजना गरेको थियो ।
सभालाई सम्बोधन गर्दै पार्टीका उम्मेदवार एवं सप्तरी-२ का उम्मेदवार सतिश सिंहले आफू सधैं जनताको बीचमा रहदै आएको बताए । ‘जनताको हरेक सुखदुःखमा सधैं साथमा छु’ उनले भने, ‘त्यहीँ भएर जनताले मलाई जिताउनेमा विश्वस्त छु ।’
उनले आफू मुख्यमन्त्री हुँदा याे क्षेत्रका लागि धेरै याेजनाहरू ल्याएको बताउँदै जितेमा थप याेजना ल्याउँदै क्षेत्रकाे विकासका लागि सधैं तत्पर रहने बताए ।