राजविराज । जितिया पर्वको अवसरमा आशिया पार्टी प्यालेसले व्रत बस्ने श्रद्धालुहरूको सुविधाका लागि पोखरीमा स्नान गर्ने तथा कपडा फेर्ने व्यवस्था गर्दै आएको छ।
आयोजक अकबर हुसेनका अनुसार आशिया पार्टी प्यालेसले विगत चार वर्षदेखि जितिया पर्वका अवसरमा व्रतालुहरूका लागि पोखरीमा नुहाउन घेराबारसहितको व्यवस्था र कपडा फेर्नका लागि छुट्टै घर निर्माण गर्दै आएको हो।
जितिया पर्वमा व्रतालु महिलाहरूले धार्मिक विधिअनुसार पोखरी तथा जलाशयमा स्नान गर्ने भएकाले उनीहरूको सहजता र गोपनीयतालाई ध्यानमा राख्दै यस्तो व्यवस्था गरिएको आयोजक हुसेनले बताउनुभयो।
यस व्यवस्थाले जितिया पर्व मनाउन आउने व्रतालुहरूलाई स्नान तथा कपडा परिवर्तन गर्न सहज हुने आयोजकको भनाइ छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
