राजविराज । सप्तरीकी एक महिलाले एकै पटक तीन सन्तानको जन्म दिएकी छन् ।
जिल्लाको रुपनी गाउँपालिका वडा नम्बर १ रायपुर बस्ने ओम रामकी पत्नी सरस्वती रामले एकै पटक तीन सन्तानको जन्म दिएकी हुन् ।
सरस्वतीले वि.पि. कोइराला स्वास्थ्य विज्ञान प्रतिष्ठान धरानमा दुई जना छोरा र एक जना छोरी जन्माएकी छन् । दुई छोराको तौल क्रमशः १ कलो ६६० ग्राम र १ किलो ४८० ग्राम रहेको छ । छोरीको तौल १ किलो ६६१ किलोग्राम रहेको छ ।
सरस्वतीले मंगलबार दिउँसो एकै पटक तीन बच्चा जन्माएकी हुन् । प्रसुती व्यथा लागेपछि उनलाई धरान लगिएको थियो । उनले पहिलो पटक बच्चा जन्माउँदा तीन सन्तान जन्म भएको स्थानीय सन्तोष यादवले जानकारी दिए ।
एकै पटक तीन बच्चाको जन्म दिएकी सरस्वतीको परिवारलाई आर्थिक अवस्था कमजोर भएका कारण बच्चाको पालनपोषण गर्न समस्या हुने बताउँदै यादवले यथासक्य सहयोग गरिदिन आग्रह सबैसँग आग्रह गरेका छन् ।
