राजविराज । सप्तरीमा भएको छुट्टाछुट्टै सबारी दुर्घटनामा ६ जना घाइते भएका छन् ।
राजविराज नगरपालिका १० स्थित खाँडो पुलमा लोहजराबाट राजविराजतर्फ आउँदै गरेको स.१ ह.३७९० नम्बरको अटो आफै अनियन्त्रित भई दुर्घटना हुँदा तीन जना घाइते भएका छन् ।
घाइते हुनेमा खडक नगरपालिका ८ विसनपुर बस्ने १८ बर्षीया ज्योति चौधरी, सोही ठाउँकी ४४ बर्षीया धर्मशिला विक र सुरुङगा नगरपालिका ३ कडरबोना बस्ने १५ बर्षीया खुश्बु कुमारी चौधरी रहेको प्रहरीले जनाएको छ ।
उनीहरुको राजविराजस्थित गजेन्द्र नारायण सिँह अस्पतालमा उपचार भइरहेको छ ।
यस्तै, महादेवा गाउँपालिका१ बल्थीस्थित ग्रामिण सडकमा मोटरसाइकलले ठक्कर दिँदा एक जना बालिका घाइते भएकी छन् । उतर दिशा बाट दक्षिण पकरीतर्फ जाँदै गरेको स ८ प ८२८६ नम्बरको मोटरसाइकलले ठक्कर दिँदा स्थानीय अजय सदाकी ३ बर्षीया छोरी रागिनी सदा घाईते भएको र गजेन्द्र नारायण सिंह अस्पताल, राजविराजमा उपचार भइरहेको प्रहरीले जनाएको छ ।
रुपनी गाउँपलिका १ रुपनीस्थित राजविराज–रुपनी सडक खण्डमा विंगरले ठक्कर दिँदा एक जना प्रहरी हबल्दार घाइते भएका छन् ।
स १ ज.६०४ नम्बरको विंगरले विपरित दिशाबाट आउँदै गरेको स.६ प.५७२१ नम्बरको मोटरसाइकललाई ठक्कर दिँदा प्रहरी हबल्दार ३९ बर्षीय देवनारायण यादव घाइते भएका छन् ।
राजविराज नगरपालिका १६ बोरिया घर भएका यादव इलाका प्रहरी कार्यालय कबी दरबार बारामा कार्यरत छन् । घाइते भएका उनको युनिक अस्पाताल रुपनीमा प्राथमिक उपचार गरी थप उपचारको लागी विराटनगर लगिएको प्रहरीले जनाएको छ ।
त्यस्तै, कंचनरुप नगरपालिका११ गोरपारस्थित भित्री सडक खण्डमा सिमराचौकबाट गोरपारतर्फ जाँदै गरेको अन टेस्ट डिस्कभर मोटरसाइकलले ठक्कर दिँदा एक बालिका घाइते भएकी छन् । घाइते हुनेमा सलेन्द्र सरदारकी ३ बर्षीया छोरी अनुराधा कुमारी रहेको र उनलाई उपचारका लागि विराटनगर लगिएको प्रहरीले जनाएको छ ।
