परिष कर्ण
राजविराज । राजबिराजमा म्याद गुज्रेको पिउने पानी बिक्री गरेको पाईएको छ ।
राजविराज नगरपालिका वडा नम्बर ८ स्थित लक्ष्मी सगरमाथा पानी उद्योगले ६ महिनाअघिको उत्पादन मिति उल्लेख गरिएको पानी बजारमा बिक्री गरिरहेको खुलेको छ । उक्त कम्पनीको २० लिटरको जारमा २२ सेप्टेम्बर २०२२ उत्पादन मिति लेखिएको छ । उत्पादन भएको मितिले ३ महिनासम्म पानी प्रयोग गर्न सकिने उल्लेख गरिएको छ ।
छ महिनाअघि नै म्याद सकिसकिएको पानी अहिले बजारमा बिक्री गरेको पाइएको छ ।
राजविराज बजारको मेनरोडमा रहेको नेहा अफसेट प्रेस नजिकैको एक पसलबाट मंगलबार खरीद गरी ल्याएको पानीको जारमा लगाईएको लेवलमा २२ सेप्टेम्बर २०२२ कै मिति लेखेको पाइएको छ । उक्त जारमा रहेको पानी खाँदा फरक गन्ध आएको प्रेसका कर्मचारी राजेश चौधरीले बताए ।
म्याद गुज्रिएको पानी बजारमा कसरी आएको बारेमा जानकारी लिन लक्ष्मी सगरमाथा उद्योगमा फोन सम्पर्क गर्दा फोन उठेन् ।
